Wednesday, November 12, 2014

Lending collector, victima nin holdup, carnap

MINALABAC, Camarines Sur— Sarong credit consultant kan Oragon Lending Corp. an navictima suboot nin Robbery Hold-up with Carnapping poco mas o menos ala-1 nin hapon kan Lunes sa Zone 3, barangay Irayang Solong sa banwaan na ini.

Si Edwin Sabilay y Ilan, 36, may agom, asin residente kan Zone 5, Barangay San Roque, Calabanga, Camarines Sur, nagduman sa tindahan ni Mrs. Elano tanganing kolektahon an bayad kaini.

Alagad, bago pa man makua an nasambit na kwarta, pigpara siya kan 2ng lalaking nakalunad sa motorsiklo.

Sa saiyang pahayag, sinabi kan victima na tinutukan siya nin badil kan saro sa mga lalaki na nakasulot nin closed helmet.

Nagdeclarar nin hold-up an dai namidbid na suspechado, asin kinua an nakolektang P8,000 asin an cell phone kan victima. Dae pa nakontento, inagaw pa sa victima an saiyang Honda Wave 100 na motorsiklo na may plate number na 5310.

Dae man kinulgan an victima, segun sa pahayag kaini.

Tulos nagdulag an duwang lalaki pasiring sa dai pa maaraman na direksyon.

Mientrastanto, an victima nagrani sa Minalabac Municipal Police Station tanganing maghagad nin tabang.

Sa oras na sinusurat an baretang ini, padagos pa an imbestigasyon kan mga pulis.— BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...