Mausoleo kan familia kan Alcalde kan Tabaco City, hinabasan

TABACO CITY – Ultimong mausoleo dae pa guiraray nakasalbar sa mga pusikit na parahabas nag pighahanap na ngonian kan mga awtoridad.

Susug sa report na naguno hale sa hepatura kan pulis, makusog an boot kan mga imbueltong persona na nagrangka kan siradong puerta kan mausoleo, para habason sana an initan nin tubig (water heater) na an kantidad P4,500.00.

An incidente nangyari kasoodma sa Tabaco City Cemetery, na namumugtak sa Barangay Tagas, sa pag-oltanan kan alas 6:00 nin aga sagkod alas 5:15 nin hapon.

An kagsadire kan hinabasan na mausoleo iyo an familia ni Alcalde Maria Josefa Demetriou.

Huli sa pangyayaring ini, ipigsugo na kan mga awtoridad na orog pang pakusogon an saindang pagronda sa mga lugar na pwedeng aprovecharan kan mga nag-ooportunidad.

Hastang sinusurat an baretang ini, dae pa ki informasyon na nahihinirib an mga pulis na pwedeng maging dalan sa pagkakadakop kan suspechado. —BICOLSTANDARD.COM


Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 

Start typing and press Enter to search