1, gadan sa bagong caso nin pambabadil sa Irosin, Sorsogon

Irosin, Sorosgon News
Irosin, Sorsogon

IROSIN, Sorsogon – Duwang aldaw matapos an pambabadil, gadan sa sarong miembro kan Philippine Air Force, saro na naman an binawian nin buhay kan siya mabadil.

Susog sa informacion na pinaabot sa BICOLSTANDARD, mayo na nin hinangos si Allan Bando y Binucas kan siya badilon nin mga armadong lalaki, na nagsakyada sa saindang kaniogan.

Sabi ni  Punong Barangay Maria B. Reyes, kan Barangay Tinampo, banwaan na ini, nangyari an paggadan sa pag-oltanan kan alas 1:00 hasta alas 2:00 nin hapon, ngonian na aldaw.  

Si Bando tinamaan nin bala sa ibaba na parte kan saiyang walang mata hale sa dae pa madeterminaran na calibre nin badil 

Ipinahayag kan mga nakaheling sa gadan nang lawas kan victima na nagbalda sa likod na parte kan saiyang payo an bala.

An victima, inabot kan mga paragadan mantang siya naglilinig kan saindang kaniogan sa Sitio Calaay, sa Barangay Tinampo.

Hasta sa panahon na sinusurat an baretang ini dae aram kan mga awtoridad an motibo sa pag gadan ki Bando.

Segun sa pahayag ni PB Reyes sa mga pulis, an mga suspechado nagdurulag pasiring sa dae madeterminaran na direksyon, pagkatapos sana kan krimen.

An bangkay ni Bando dinara sa Irosin District Hospital para sa autopsy.

Pigtutubodan kan mga awtoridad na an paggadan sa victima parte kan serye nin violencia sa banwaan na ini, na pwedeng resulta kan pangisog ngonian kan mga rebelde.(BICOLSTANDARD.COM)
Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 

Start typing and press Enter to search