Thursday, November 13, 2014

Joel Carinan a.ka Peter Arevalo, dinakop kan pulis

NAGA CITY--Pigserve na kasoodma kan Calabanga Municipal Police Station an mandamiento de aresto contra ki Joel Carinan y Flores a.k.a Peter Arevalo, 30 anyos, soltero, taga Barangay Camuning, Calabanga, Camarines Sur, hale sa Regional Trial Court, duman sa Malolos City, Provincia nin Bulacan.

Segun sa informasyon hale sa PNP Calabanga, ala una kasoodma, dinumanan kan mga pulis si Carinan sa Room No 305, na sarong payward, sa Bicol Medical Center, asin pig-arestar.

An nasambit na persona, pighahanap kan mga awtoridad huli sa casong saiyang inaatubang na Attempted Robbery with Homicide, na may docket No. CC 432-M204, na may recomendadong fianza.

Firmado an warrant of arrest ni Judge Francisco P. Felizmenio, kan Branch 19 kan RTC duman sa Malolos City.

Afuera kan nasambit na caso, si Carinan, igwa pa nin saro pang casong Carnapping na may docket No. CC No. 4333-M2014, na an rekomendadong fianza, P180,000.

Si Carinan yaon sa hospital pagkatapos na makipag badilan sa banwaan kan Tinambac, Camarines Sur, dae pa lang nahahaloy.

Haloy naman siyang hinahanap kan mga awtoridad huli sa mga nasambit na mga caso.

Mientrastanto, mantang nagpaparahay pa kan saiyang tama sa saiyang hawak, an mga pulis sa Calabanga, Camarines Sur an nagbabantay saiya.

An sabi sa informasyon hale sa pulis, si Carinan dadarhon sa Malolos City tanganing atubangon an mga caso na isinangat contra saiya.

Haloy na madakop an suspechado huli kan pag ribay niya nin pangaran, na en vez Joel Carinan, an saiya nang ginagamit Peter Arevalo.--BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...