Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, November 26, 2014

Irinuman, nahulog sa saraksakan

baleno masbate news
Baleno, Masbate
BALENO, Masbate –Mainit na discusyon an nagtuklang ki Jessie Germina Albao tanganing saksakon niya asin dagos magadan si Elmo Montilla Laurio na taga Barangay Batuila, sa banwaan na ini.

An mga imbestigador nagsabi na an incidente nangyari sa Barangay Banase, sa tungod kan residencia ni Barangay Kagawad Editha Garmina.

Susug sa declarasyon kan mga nakaheling, nagpoon na maogma an paghampangan kan suspechado asin kan victima.

Alagad huli sa kaburatan, nahulog sa pagkurulitan asin discusyonan pagininoman kan duwa.

Sinabi sa report, na sinaksak ni Germina si Montilla  sa saiyang daghan gamit an matarom na kutsillo na nagtusok sa puso kan victima.

Mientrastanto, pakatapos sana kan krimen, nagdulag tulos an suspechado.

An victima nautasan kan saiyang hinangos sa lugar kan krimen.

An mga pulis dinara an bangkay kan victima sa Baleno Rural Health Unit para sa pag-autopsy.

Sa presente, an mga imbestigador pighahanda an pagsangat nin caso contra sa suspechado. (BICOLSTANDARD.COM)


Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...