Thursday, November 13, 2014

2 suspechado sa carnapping, nadakop sa Tiwi, Albay


TIWI, Albay—Nahulog na sa kamot kan mga awtoridad sa banwaan na ini an duwang personas na pigbabantayan, huli sa posibleng pagka-imbuelto ninda sa mga caso nin paghabas nin motorsilo

Por medio kan programang “Oplan Motorsiclo,” nadakop si Jerry Corullo y Consuegra, 19 anyos, taga Barangay Libjo, sa banwaan na ini.

Mismong ni Police Insp. Dennis B. Balla, an hefe digdi, an namayo kan pag-aresto.

Susog sa report, nagmontar an mga pulis kan saindang operasyon sa Barangay Cararayan, kun saen saindang dinakop an suspechadong si Corullo, na nakalunad sa motorsiclong nawawara.

Durante kan ginibo an verificasyon kan vehiculo, naconfirmar na an piglunadan kan suspechado iyo si vehiculo na nawawara pa kan fecha 28 kan Octobre, ngonian na taon.

An mga awtoridad ginigibo pa ngonian na follow up investigation para masusug an iba pang tawo na pwedeng may participasyon sa siring na mga incidente.

Mientrastanto, poco mas o menos alas 9:00 nin aga kan fecha 12, ngonian na bulan, an parehong team na pinapamayohan ni Balla an naglansar liwat kan Oplan Motorsiclo.

Sa maigot na operasyon na ginibo sa Barangay Tigbi, nadakop man an sarong may pangaran na Erik Dacir, 18, soltero, taga-barangay na ini, mantang nakalunad sa pigcarnap man na vehiculo, kan fecha 28 kan Octubre, ngonian na taon sa Ciudad kan Tabaco.

Sinabi kan mga awtoridad sa ginibo nindang verificasyon, nagluluwas na an motorsilo na pig sasakayan ni Dacir, si nawawarang vehiculo ni Rey Felson Bornilla y Consulta, 49 anyos, na taga-Barangay Bombon, Tabaco City.

An suspechado yaon ngonian sa kamot kan mga awtoridad para sa dugang pang imbestigasyon.

Sinabi kan mga pulis na dakul na saindang mga naisihan na informasyon na pwedeng makatabang sa pagresolver kan iba pang harabasan nin motorsiclo sa nakalihis na pirang bulan, sa banwaan na ini. (BICOLSTANDARD.COM)

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...