Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, November 19, 2014

Babae, gadan sa posibleng pagbanog kan kasaroan

CALABANGA, Camarines Sur – Dai pa maako kan sarong ina an makatristeng inabot kan saiyang aki. Ini an nagtulod saiya tanganing magkaso contra sa kasaroan kaini.

An victima binistong si Marilyn Caceres y Crobalde, 36 anyos, asin residente kan Zone 1 San Juan, Palestina, Pili, Camarines Sur.

Sa oficial na reklamo, sinabi kan ina na si Merly Crobalde y Nacario, na posibleng pagbanog an causa kan pagkagadan kan saiyang aki.

Segun ki Crobalde, saiya sanang nadiscubre an pagkulog kan saiyang manotaran an manlaen-laen na lata sa iba-ibang parte kan hawak kan victima kan ini saiyang binubulusan para mapatintihan.

Dinugang niya pa na, enot naman na inamin saiya kan kasaroan kan saiyang aki na nakulgan kaini an victima pagkatapos ninda magkaigwang dai pagkairintindihan.

An tinutukdong suspek iyo si Alexander Marpuri na residente kan Zone 1 San Juan, Palestina, Pili, Camarines Sur.

Susog sa imbestigasyon, mismong an suspechado an nagdara sa victima sa Bicol Medical Center, Naga City poco mas y menos alas-2 nin aga kan fecha 13 kan bulan na ini.

Alagad, an doctor dineclarar an victima na Dead on Arrival.

Nagcoconducir pa nin sarong imbestigasyon an Pili Municipal Police Station tanganing masiguro kun ano mananggad an kausa kan pagkagadan kan nasambit na victima.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...