Monday, November 17, 2014

Soldados kan Army, binadil

BARCELONA, Sorsogon – Haros mayong patod an serye nin garadanan sa provinciang ini bunga kan nagdadanay na problema sa insurgencia.

Kan saro pang bulan inako na ni Bicol PNP Regional Director Chief Superintendent Victor Deona na isinasahot ninda sa mga rebelde asin sa kasurog kaining fuerza an paglansar nin panggagadan sa mga miembros kan Armed Forces of the Philippines.

Pinahayag ni Deona na an Army iyo an may mayor na responsibilidad sa problema sa insurgencia, maski na ngani an mga pulis nagtatabang man digdi.

An pinakabagong incidente na resulta kan pangingisog kan mga rebeldeng grupo iyo an paggadan ki Corporal Zaldy Bengoa y Bermas, sarong miembro kan Philippine Army na nakadistino sa banwaan na ini.

Nangyari an paggadan saiya kasoodma, poco mas o menos alas 7:45 nin aga sa Barangay San Antonio sa banwaan na ini

Sabi sa report kan pulis, si Bengoa nakalunad sa sarong tricycle na an plate number “For Registration” kaibahan si PFC Rommel Pagaduan kan sinda hipaan kan mga rebelde.

An tricycle pigmamaneho ni Edwin Talha y Sanchez, 34 anyos, taga Barangay Lourdes.

Base sa imbestigasyon, binitbit si Bengoa kan mga armadong lalaki, asin pinaarak-asakan tulos nin badil, na iyo an saiyang tulos ikinagadan.

Mientrastanto, maswerte na an saiyang kaibahan na si Bengoa dae namidbid na saro man na miembro kan militar, kaya siya pinalunad sa trimobile asin pinadulag na.

Susug sa mga nakaheling, dae makulang sa 50ng armadong mga rebeldeng miembros kan New People’s Army (NPA) an imbuelto sa nangyaring pagbadil ki Bengoa. –BICOLSTANDARD.COM
Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...