Sunday, October 19, 2014

2ng taga Virac, dakop sa droga

VIRAC, Catanduanes—Pinosasan kan mga pulis an suspechado na sinda Vicente Guianan y Torres, alyas Bunso o Enteng asin si Rona Mae Guianan sa mas pang pinaisog na kampanya kan mga awtoridad sa pagdakop kan mga nagbabariwas nin droga.

Basado sa pinaluwas na imbestigasyon kan pulis sa banwaan na ini, an operasyon kan mga awtoridad nangyari kan an Regional Trial Court (RTC) magpaluwas nin search warrant na firmado ni Judge Lelu P. Contreras, an Executive Judge kan Catanduanes.

Durante kan pag-implementar kan search warrant, nakua sa poder kan mga an minasunod: duwang plastic sachet na may laog nin pulbos na pigtutubudan na shabu, naka-rolyong aluminum foil na gamit sa pag-usar nin shabu, duwang SIM cards, apat na deposit slip sa bangko, asin nagkapira pang plastic na mayong laog.

An pag implementar kan search warrant ginibo sa presencia ninda Rudy Templonuevo, representante kan Department of Justice; Donnie Vic G. Tabirara, representante kan media; Carlito Pabalate Gamboa, Punong Barangay kan Francia, asin an mga Barangay Kagawad kan Francia.

An mga suspechado dinara tulos sa Catanduanes Provincial Crime Laboratory para sa drug test asin laboratory examination.

An duwang dinakop na suspechado sa pagbalga kan RA 9165, sinangatan na nin caso criminal.—BICOLSTANDARD.PH
Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...