Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Thursday, October 9, 2014

Taxicle sa Legazpi, registrado—LTO

LEGAZPI CITY—Bakong totoo an sahot kan mga nagkokontra sa operasyon kan taxicle na dae nagkaigwa nin consultasyon antes tugotan an saindang operasyon.

Taxicle in Legazpi City
Si Legazpi City Mayor Noel Rosal kataid an saro sa mga taxicle sa Legazpi City
Retrato hale sa Facebook account ni Mayor Rosal
Ini an sabi ni City Councilor Rolly Rosal, na iyo an Chairman kan Committee on Transportation sa Sangguniang Panlungsod.

Bako sanang an mga tricycle operators asin drivers an inimbitaran, kundi, magin si Land Transportation Office (LTO) Regional Director Noreen San Luis-Lutey imbitado pa.

Sa ginibong pakikiolay kan BICOL STANDARD ki Dir. Lutey, pigconfirmar niya an public hearing asin an imbitasyon saiya kan Sanggunigng Panlungsod.

Mientrastanto, nagpahayag si Rosal na mayong dapat ipaghadit an ibang mga nagkakayod nin tricycle ta pareho man an singil ninda sa lambang pasahero na malunad.

An mga pahayag sa media ginibo ni Rosal kan makarecibe nin surat si Vice Alkalde Victorio Roces na nagkukwestyon kan operasyon kan taxicle sa ciudad.

Sa ibong na lado, sinabi ni LTO Regional Director Lutey na bakong totoo na dae registrado sa saindang opisina an mga taxicle.

May mga tawo kayang nag hahapot sa saindang opisina kun nata na “for registration” asin mayong plate number an mga taxicle poon pa kan saindang pagkayod sa tinampo.

Sabi ni Lutey na registrado an mga taxicle, alagad sa presente dae pa sinda natatawan nin plaka ta piggigibo pa sana an mga ini kan saindang opisina duman sa Manila.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Drug lab query continues

Committee on Dangerous Drugs points to more inconsistencies VIRAC, Catanduanes 2/27/17 (Bicol Standard)—The House Committee on Dange...