Tuesday, October 21, 2014

Pulis sa Gubat, binadil

GUBAT, Sorsogon—Sarong miembro kan Municipal Police Station sa banwaan na ini an binadil sa Barangay Manook digdi.

An victima pigmidbid na iyo si PO1 Gerry H. Gabuyo, residente kan nasambit na barangay.

Sabi sa imbestigasyon, nangyari an krimen alas 12:45 kan Lunes, Octubre 20, sa laog nin sarong canteen.

Pinahayag kan mga nakaheling na 3ng mga dae bistadong lalaki an naglaog sa kakanan, asin binadil si Gabuyo.

Maswerteng nakalibre sa kagadanan an victima, huli ta daplis sana su bala sa saiyang kamot asin sa saiyang abaga.

An mga suspechado nagdurulag man tulos pasiring sa direksyon kan Barangay Beriran.

Mientrastanto, si Gabuyo pigbubulong ngonian sa hospital asin salvado na sa kagadanan.

Nakua hale sa pinangyarihan kan krimen an 12ng baseyo nin bala asin 5ng slugs hale sa calibre .45ng badil.

Ginigibo pa sagkod ngonian an pagsiyasat kan gabos na anggulo sa likod kan nagdadakul na numero nin krimen sa banwaan na ini.

Maroromduman na kan sarong aldaw, sinabi ni PNP Regional Director Chief Supt. Victor Deona na an garadanan sa Sorsogon causa kan naglalangkabang problema sa insurgencia.—BICOLSTANDARD.PH

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...