Monday, October 13, 2014

2 colegiala ginadan sa Polangui, Albay

POLANGUI, ALBAY –Mayong pag-alangan na inako kan suspechadong si Raymund Gebilaguin y Lumbre an saiyang kasalan sa pagkagadan kan duwang colegiala na saiyang napamuransangan, kan dae ituro saiya kun haen sa panahon na ito an saiyang dating ka-ilusyon.

Si Gebilaguin, sarong 24 anyos na soltero na taga Balatan, Camarines Sur.

Susug sa pulis kan banwaan na ini, kan mangyari an krimen, an suspechado, grabeng maray an natumar na alak, mantang mabisita sa boarding house kan saiyang dating piday.

An inabutan kan suspechado sa pig-eestaran na harong kan saiyang dating ka-ilusyon iyo an duwang amiga kaini na pigbistong iyo sinda Jenefy Palermo, 19 anyos, taga Polangui asin si Lovely de Vela, 22 anyos, na taga Camarines Norte.

Pigmamasdan suboot kan mag-amiga na nag-hahasay-hasay sa kaburatan si Gebilaguin kan mag-abot pa sana sa atubangan kan saindang boarding house.

Dae nagsayang nin oras si Gebilaguin, pigparakulit sinda Palermo asin De Vela, kun haen an saiyang dating ilusyon.

Sa pagtubod na itinatago ini sa saiya, napikon si Gebilaguin asin sinaksak si Jenefy Palermo nin pirang beses sa saiyang lawas.

Pirang segundos sana an nakalihis, sinaksak na man si Lovely de Vela, nin mataromon na kutsilyo, na iyo an naging rason sa kagadanan kan duwa.

An mga victima, dinara pa man kuta sa doctor, alagad sinda natitian na nin dugo, asin sinabi kan doctor na “Dead on Arrival.”

Mientrastanto, si Gebilaguin nagpahayag na gusto man sana kuta niyang makahoron an saiyang dating piday, ta compleanyo niya kan aldaw na ito.

Inako man kan suspechado an saiyang pagkakasala, kasabay an dae matugkad na pagbasol kan nangyaring krimen.


An familia kan duwang colegiala na victima naghahagad nin justicia.—BICOLSTANDARD.PH

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...