Christmas, biktima nin snatcher

NAGA CITY—Napurnada an kagustuhan kan sarong lalake na magkaigwa nin cellphone.

Ini kan siya madakop na mang-agaw nin cellphone sa may Panganiban Drive, Ciudad nin Naga.

An biktima iyo si Christmas Soque y De Guzman, 23 anyos, daraga, kan Zone 1, Brgy. Lerma, Naga City.

Segun sa report kan pulis, naglalakaw si Christmas kaiba an saiyang tugang na babae sa Panganiban Drive, sa may parte kan 7-11, kan bigla na sanang rabnoton kan suspechado an saiyang pouch bag.

An bag, segun sa daraga, may laog nin sarong cellphone na kantidad P5,000 asin P3,600 na cash.

Kan maagaw na kan snatcher an bag, marikas na nagdulag ini pasiring sa direksyon kan city proper.

Swerteng nanotaran kan sarong istambay an pagdulag kan suspechado kaya ini saiyang linapag.

Kan madakop kan marhay na samaritano, siya ipigsurrender ki Brgy. Kagawad Ramchand O. Tularan, Brgy. Tanod Alvin Ayusip, Rodrigo Balolo asin Hamil Ortiz na nagdara man sa suspechado sa Police Station 1.

Huli sa suboot na panhabon ki Christmas, an suba kan mga pulis, hahaleon na ni Santa Claus sa listahan an suspechadong si Arnold Delos Santos y Bermejo, 41 anyos, may agom asin residente kan Urban Poor, Brgy. Pacol, Naga City.—BICOL STANDARD

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 

Start typing and press Enter to search