Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, October 15, 2014

Muriatic acid ginibong chaser kan lolo, gadan

Makuri an pagmundo kan binayaan na familia ni Otelo Rabe Realuyo, 62 anyos na paraoma, asin ama nin 10ng aki, kan siya magadan sa aksidenteng pakainom nin muriatic acid.

Bicol Standard stock photo
An victima, sabi sa report, solo sa saindang harong, naglilinig nin mga lumang alahas, kan mangyari an aksidente.

Pinahayag kan mga nagsiyasat kan pangyayari na nag-iinom nin gin an victima, asin namaluan na chaser an laog kan bote na muriatic acid palan.

Dinara pa man kuta an saiyang nahilong hawak sa Bicol Regional Training and Teaching Hospital (BRTTH) para ipabulong.

Alagad, dai na siya naka-agwanta pakalihis nin 3ng aldaw nin sostenidong pagbulong.
Linubong na suudmang hapon an bangkay kan victima.

Si “Otek,” an gaha kan gadan, bistado na nagfundar kan 50 anyos na Sarong Banggi (SB) organization sa Bicol University College of Agriculture sa Guinobatan asin sa BU Polangui campus.

Harigue siya kan preparasyon kan nakaaging engrandeng SB golden anniversary, alagad nagadan kan bespiras kan ika-50ng foundation anniversary kan nasambit na grupo.

Miembro siya kan mainfluenciang Rabe clan kan Oas, Albay.

Nag-ayon siya sa SB sa University of the Philippines Los Banos (UPLB) kan 1972.

Gatos na mano asin mana an nagdalaw sa necrological services niya, kun sain kinanta an famosong sonatang “Sarong Banggi.”

Mapungaw, malumbay si kanta ninda.—EGV/BICOLSTANDARD.PH

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...