Sunday, October 19, 2014

Lalaking bangag, nagpatimasang kan saiyang buhay

MILAOR, Camarines Sur—Mayong ibang magabat na rason sa pagpatimasang ni Anthony Olitoquit kan saiyang buhay kundi an sobrang pagkabotod kan saiyang saiyang isip asin lawas sa paggamit nin droga.

Iyo ini an pigheheling kan mga imbestigador na nagsisisayat kan sarong incidente sa banwaan na ini na nagresulta sa paglukso kan victima hale sa atop kan Barangay Hall kan Amparado digdi.

Sagkod ngonian, an mga awtoridad digdi nag-oogid pa kan mga pangyayari sa likod kan pagkagadan ni Olitoquit, 32 anyos pa sana an edad.

Sabi ni PO2 Jerome Tinoy, bistado an victima na parateng kaibahan kan mga tawo na nasa listahan kan mga awtoridad na imbuelto sa paggamit asin pagbariwas nin droga.

Laen pa kaini, may mga nagsumbong sa awtoridad na habo magpasambit kan saindang pangaran an naka-obserbar kan iba nang hiro-hiro kan victima, pirang semana antes siyang maghugot.

Mientrastanto, mismong an saiyang kasaroan na si Alice Bermas an nagpapatunay na tulong aldaw na an victimang dae nagtuturog, huli sa tama kan droga.

Sinabi sa mga informasyon na naguno kan mga imbestigador na parate nganing nagpapasuway an magkasaroan, na nagresulta tanganing masaksak si Bermas an liog kan victima.

Pwedeng an complicado nang kamugtakan kan pagbuhay kan magkasaroan an orog pang nagbusol ki Olitoquit na maggamit pa nin droga.

Susug sa tiniripon na informasyon kan imbestigador, pirang oras sana si nakalihis pagkatapos na mag-iwal an magkasaroan, may mga nakaheling ki Olitoquit na nagsakat sa atop kan Barangay Hall kan Amparado, asin dagos nagtagbang.

An nag-utas kan buhay ni Olitpquit iyo an grabeng danyos sa saiyang spinal cord na an sabi, en caso nabuhay pa siya, pwedeng difisil nang makatindog asin makalakaw.

An Barangay Hall kan Amparado may langkaw na 30 pie.

Dae man tulos binawian nin buhay an victima.

Alagad, dae na nakasustinir an hawak na mabuhay huli kan grabeng distroso sa spinal cord.



An mga pulis sa banwaan na ini nagpapadagos pa kan saindang imbestigasyon.—Report ni Boyet Paderes, BICOLSTANDARD.PH

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...