Wednesday, October 15, 2014

Rasyon na kakanon sa Albay, lapa, may alamag

LEGAZPI CITY—Sibot sa paghanap nin paliwanag an mga tawohan kan Department of Social Welfare and Development (DSWD) sa nagmomoto-moto asin nag lologo-logo na mga residentes kan Daraga, Albay na natawan nin mga naglalapa nang mga de lata, asin iba pang kakanon.

May mga evacuees na temporaryong nag-evacuar sa Barangay Matnog, Daraga, an nagsabi dae na kayang kakanon nin tawo si mga kakanon na itinao sa sainda.

An may dara kan relief goods iyo an mga tawohan kan DSWD, sa opisina regional.

Naaraman na an mga pagkakan iyo si dara kan mga miembros kan gabinete ni Presidente Benigno Aquino III na nagbisita sa mga evacuation centers.

An mga kakanon ipapanao kuta sa mga nasa evacuation center sa Anislag Elementary School.

Mientrastanto, sarong barangay kagawad na nagsayumang ipabisto an saiyang pangaran an nagsabi na nagduda siya kan kalidad kan kakanon, ta may parong na ini, asin an mga de lata, raot na an laog.
Para maseguro an kalidad kan dara kan DSWD na kakanon, duwang sako an binukasan kan opisyal kan barangay, asin digdi nadiskubre na an bagas may alamag na, asin dae na pwedeng ipakakan sa tawo.

Huli kan siring na obserbasyon, an mga opisyal kan barangay iyo na mismo an nagpasabot na dae na ninda aakoon an rasyon na pagkakan.

An ibang mga evacuees nagsabi na nagduda sinda kan darang kakanon kan DSWD ta maski dae pa ngani binubukasan, ma-anghol na an parong, asin may alamag pa.
Tulos naghagad nin despensasyon an mga nanunugdan, sabay an asigurasyon na riribayan an pagkakan.

Alagad, an mga tawo sa evacuation center nagsayuma na mag-ako nin mga pagkakan hale sa gobierno, ta sa siring na sitwasyon, maski hayop dae na mapipiritan na magkakan.

Sa ibong na lado, an gobierno provincial kan Albay nagsabi na dikit man sanang porciento kan relief goods an may deferencia. Kun igwa man nin alamag na saindang narecibe, dapat i-report na sana sa saindang opisina tanganing maribayan.

Si Gob. Joey Salceda nagsabi na aasikasohon an bagay na ini kan gobierno, kasabay an promisang dae na manyayari liwat an problema.--BICOLSTANDARD.PH

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...