Thursday, October 9, 2014

Kuryente sa pamitisan kan Mayon, dae na pinutol

LEGAZPI CITY—“Mahalat pa kami kan surat hale ki Gob. Joey Salceda na nagsasabi na putolan na nin kuryente an mga nag-eestar sa laog kan prohibidong 6- sagkod 8 kilometros, sa pamitisan kan Bulkan Mayon.”

APEC
Ini an sabi ni Jane Rogando, an pamayo kan Consumers Services kan Albay Power and Energy Corporation (APEC).

An pahayag ni Rogando simbag sa kahapotan kan mga taga media na nag-oosyoso kan mga pangyayari, sa declaradong "danger zone” sa nag aalburotong Mayon.

Kan sarong aldaw, nagpaluwas liwat nin patanid sa publico si Salceda sa mga nagpipirit na magtinir sa mga peligrosong lugar sa ibaba kan bulkan.

An kaisipan kan gobierno provincial, sa pamamayo ni Salceda iyo na putolon na lugod an supply kan kuryente sa gabos na mga residencia asin an linya nin tubig.

An obheto kan siring na desisyon tanganing mapiritan an mga tawo na abandonaron na an saindang mga harong huli kan grabeng peligro na pwedeng mangyari, en caso madagos nang magtuga an Mayon.

An mga parataram kan Philippine Institute of Volcanology and Seismology (Phivolcs), ngonian na aldaw, sa paagui mismo ni Ed Laguerta, an resident volcanologist, nagsabi na may dakulang peligro sa gabos na mga residentes sa laog kan “danger zone.”

Mientrastanto, sa parte kan APEC, pinaliwanag kaini na handa an saindang officina na tubodon an kahagadan kan gobernador. Alagad, naghahalat man guiraray sinda nin surat hale saiya, para may basehan an APEC sa saindang pagsunod sa desisyon.—BICOLSTANDARD.COM
Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...