Sunday, October 19, 2014

Kantidad P200K na corals, shells dakop sa Masbate

CLAVERIA, Masbate—Sarong punong barangay sa banwaan na ini, kabala an sarong negosyante asin iba pa, an dinakop kan mga awtoridad na nagbabakal nin corals, asinsa pagbalga kan RA 8550, o an ley na nagbabawal sa “exploitation and export” kan nasambit na produkto sa dagat.

Si Charlie Albao, punong barangay kan Taguilid, Claveria; Eleazar Taladro, sea shell dealer na taga barangay Alegria, Pio V. Corpuz; Ruel Arizala kan barangay San Ramon, Claveria; asin Archo Rodrigo, na kapitan sa ferry boat na kinargahan kan mga contrabando, an mga maatubang nin caso sa jusgado.

Ipinahayag kan imbestigador kan pulis na naconfiscar ninda an 368 na sako nin mga endangered shells, kasabay an mga corals na may gabat na 14 tonelada.

An carculo kan mga awtoridad an valor kan contrabando dae mababa sa P200,000.
Mientrastanto, idinagdag sa bareta na pighahanda na kuta na ikarga sa truck na pigmamaneho ni Isabelilo Avenido kan Santa Rita, Janiuay, Iloilo, kan sinda maabotan kan mga awtoridad.

Mayo pa nin informasyon an mga pulis kun sisay an parabakal kaini sa lugar na dadarahan.


Nadakop an mga contrabando huli kan tarabang na operasyon kan Uson police, Fisheries and Aquatic Resources Management Council, Municipal Agricultural Office, asin sa dakulang suporta kan mga oficiales kan barangay.—BICOL STANDARD.PH

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...