COMELEC: Montarde, Gianan kan Catanduanes, pwede kastigohon sa 'overspending'

MANILA –Pagkatapos sana kan gigibohon na preliminary investigation, masumitir na nin rekomendasyon an Commission on Election (COMELEC) Law Department kun ano an kasong isasangat na reklamo sa mga nagkandidato kan naka-aging election, na sobra an saindang ginastos, kaya nagbalga sa provision kan Omnibus Election Code.

COMELEC

Ngonian na aldaw, 25ng mga pangaran an pinaluwas na kan COMELEC na posibleng kasohan.

An mga sinambit sa report hale sa Law Department kan Comelec iyo sinda Manuel Montarde na nagdalagan bilang gobernador kan Catanduanes; Ephrahim Gianan, nagkandidatong sa Sangguniang Bayan kan Virac, Catanduanes; adin Rudy Alvarez, nagkandidatong Alkalde kan Palanas, Masbate.

Si Montarde naggastos nin P1,762,500.00 kan pirilian kan 2010 segun sa saiyang deklarasyon sa COMELEC.

Afuera sainda, nanginginot sa listahan kan Comelec na pwedeng kasohan huli sa paglapas sa Omnibus Election Code iyo si Senator JV Ejercito.

Afuera ki Ejercito, posible pang mag atubang kan siring na kaso iyo sinda Congressional candidates Maria Blanca Lokin (2nd Dist., Pangasinan), Wilfredo Estorninos (2nd Dist., Samar), Orlando Fua asin Grace Sumalpong (Siquijor), Carlos Diasnes (Batanes), Ralph Lantion (Nueva Vizcaya), Narzal Mallares (Antique) asin Justinian Licnachan (Ifugao).

Sa mga gubernatorial candidates, kabale sa listahan iyo sinda Herminia Ramiro (Misamis Occidental), Carlos Valdez Jr. (Sultan Kudarat), asin Harry Meso (Dinagat Islands).

Sa Mayoral candidates, an kaayon sa listahan iyo sinda Jose Norella Jr. (Magsaysay, Occidental Mindoro), Arsenio Agustin (Marcos, Ilocos Norte), Darell de la Flor (Belison, Antique), Ernesto Pablo Jr. (Rizal, Occidental Mindoro), Juditas Trinidad (Iguig, Cagayan), asin Archimedes Sales (Pozorrubio, Pangasinan).

Nasambit man digdi an mga kandidato sa cargong vice alkalde, arog ninda Ferdinand Trinidad (Iguig, Cagayan) asin Cesar Tria (Magsaysay, Occidental Mindanao).

Yaon pa sa listahan an nagkandidatong Board member na si Ranjit Ramos Shahani (Pangasinan) asin an nagdalagan para Sangguniang Panglungsod na si Quirino Esguerra Jr. (2nd Dist., Zamboanga Sibugay).

Dae pa pinaluwas kan Comelec an pangaran kan 44ng iba pang mga nag kandidato na posibleng mag-atubang man nin asuntong overspending.

Basado sa Section 13 kan Republic Act No. 7166 of 1991, an gabos na kandidato bsa cargong Presidente, Vice Presidente tinutugotan sanang mag gastos nin P10 kada botante.

Mantang sa mas hababang posisyon, an pigtutugotan sanang gastos, P3 an kada botante, asin P5 man hale sa saiyang partido.—BICOLSTANDARD.PH

Latest

COMELEC: Montarde, Gianan kan Catanduanes, pwede kastigohon sa 'overspending'

Popular

Opinion

Community

Business

Contact

About

Services

Contact