Tuesday, October 21, 2014

Transport strike dae pig-anduyugan

LEGAZPI CITY—Malipot si suporta kan mga yaon sa lado kan transport sector sa pig-organisar na transport trike kasoodma.

An piglansar na regional transport strike may obheto na ipatanaw sa gobierno an pagkontra kan mga yaon sa sector kan transportasyon kan Joint Administrative Order kan Department of Transporation and Communication (DOTC), Land Transportation Office asin kan Land Transporating Franchising and Regulatory Board (LTFRB).

Susug sa JAO, mas halangkaw an ipapataw na penalidad asin multa sa mga paglapas sa reglamento na ipigpapasunod ninda.

Ipinahahag mga nag-ayon sa strike na ipinapangapodan ninda an pagbasura kan JAO.

Pinahimutikan kan mga nasa likod kan strike an sahot na capricho sana ninda an pagprotesta, ta an saindang obheto para sa karahayan kan kadaklan.

Mientrastanto, sa Ciudad nin Naga, dae man nin naheling na suporta hale sa sector kan transportasyon an piglansar na strike.

Sa intrevista kan BICOL STANDARD, sinabi kan mga drivers na pagal na sinda sa mga strike, ta mayo man nin nangyayari sa saindang paghiwa-hiwa sa mga tinampo, na nakakaabala pa sa saindang oro-aldaw na paghanapbuhay.

An dating mga inaapod na cause-oriented groups na dati aktibong maray sa kabaeng na aktibidad an dae man naheling sa tinampo.— BICOLSTANDARD.PH

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...