Thursday, October 30, 2014

Amerikanong lolo naloko nin Php108K sa text scam

LEGAZPI CITY—Nagsusupay an kaogmahan kan sarong 76 anyos na Amerikano sa marikas na aksyon kan pulis sa Legazpi.


Ini, matapos madakop sa paagi nin sarong entrapment operation an duwang suspechado na nakaloko saiya sa paagi nin text.

An victima nabistong si Ellor Frederick Marion, may agom, asin residente kan Castillo Compound, Brgy. 16, Gapo, East Washington Drive, ciudad na ini.

Base sa reklamo, pirang beses nakaresibi nin mensahe sa text na hinahagadan kwarta an victima.

Pinatubod an victima na an mga mensahe na padara saiya hale sa saiyang agom.

Nagtubod si Marion. Pirang beses siyang nagpadara nin kwarta sa paagi kan Smart Padala.

An valor nakaabot Php108,000.00.

Kan nakaaging aldaw, liwat nakaresibi an victima nin mensahe sa text na nagsusugo na magpadara nin P 1,500. Arog kan dati, pinadara kan victima sa paagi kan Smart Padala.

Tulos na nagsumbong si Marion sa pulis kan nadiskubre niya nang insidente nin panloloko.

Huli sa entrapment operation, nadakop an mga suspechado mientras na nagkokobra kan ipinadarang kwarta.

An mga nadakop iyo sinda Melvin Reojano Madria, 36 anyos, soltero, residente kan Barangay San Roque, asin Marlon Decano y Dadea, 54 anyos, residente kan Manito town proper, Albay.

Nakua sa saindang poder an nasambit na kwartang pinadara, sarong Nokia cellphone asin iba pang mga ebidensiya.

Kaso nin estafa an isasangat na kaso kontra sa duwang suspechado.


Katakod kaini, liwat nagpagiromdom an pulis na maging marigmat asin dai basta-basta magtubod sa mga nareresibing text message nin huli sa mga naglalakop na mga text scam.—BICOL STANDARD

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...