Sunday, October 19, 2014

Magkasaroan, nakuang pareho gadan sa Lagonoy

LAGONOY, Camarines Sur –“Nay patawaren po nen,u aq, ndezgrasya ko c sherly.” Ini an parte kan nasa laog kan inbox kan celphone ni Rolly Barranda y Remoto, taga Zone 7, Barangay San Sebastian, digdi.

Si Rolly Baranda nakuang gadan, may lubid na ginamit sa pagbitay kan saiyang sadire, sa saindang kusina.

An saiyang kasaroan na si Shirley Malagueno y Pasuco, nakuang mayo nan in buhay, may tama nin taga sa saiyang liog, na iyo an saiyang ikinagadan

Sabi kan mga imbestigador, dinumanan ninda an harong kan mga victima, kaibahan si Natividad Barranda-Remoto, ina kan gadan asin si Shena Mae Malagueno, 6 anyos, aki ni Shirley.

Maski na ngani nagpapadagos pa an imbestigasyon, an mga natipon na nindang evidencia nagsasabing ginadan ngona ni Baranda an saiyang kasaroan na si Shirley, antes tapuson niya an saiyang buhay.

Sa iwinalat na mensahe ni Rolly Barranda sa inbox kan saiyang celphone, sinabi pa kaini an minasunod:” dae ko na kya ogale neya, dapat tlaga arog kaan and gebohon seya ta nganing dae maheng kang mga ake neya..baad arogon p.kaya kamo na ang bhala sa mga ake, nea.”

Nakua sa lugar na pinangyarihan kan incidente an sarong sundang na may labang sarong pie may pitong pulgada, kabale na an polo, na isinuksok sa lanob na sawali, kan saindang kusina.

Igwa pang 4 na celphones na nakua , an saro Samsung, na nakua sa laog kan cabinet asin sarong ZH & K celphone na sadire ni Rolly R. Barranda, na nakua sa ibabawa kan lamesa.

Sa nasambit na cellphone, kan binukasan kan mga awtoridad, may naheling na duwang mensahe na yaon sa outbox kan SIM card, na may nakasurat kan mga enot nang sinambit na tataramon.

Sa pakikipag-olay ngonian na aga ki PO3 Rolly Rubi Nebran, sinabi kaini na nagpapadagos pa an saindang imbestigasyon.

Sabi kan ina ni Rolly Barranda na sa apat na aki ni Shirley, solamente an ika-apat an sinasabing si Rolly an ama.—BICOLSTANDARD.PH

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...