Wednesday, October 8, 2014

2 gadan sa karambola nin mga vehiculo sa Guinobatan

GUINOBATAN, ALBAYDuwa an confirmadong gadan sa nangyaring karambola nin mga vehiculo sa Sitio Kangao, Barangay Quitago, sa banwaan na ini.

Aksidente sa Guinobatan, Albay
Photo: Baraks
An incidente nangyari poco mas o menos alas 5:30 nin hapon, fecha 7 kan Octubre.

Sinabi kan mga imbestigador na an mga imbuelto sa aksidenteng ini iyo an sarong 10-wheeler truck, van, tricycle asin 3ng motorsiklo.

An mga binawian nin buhay iyo sinda Michael Pante, taga Barangay Illiang, Jovellar asin Alieza Gaza y Morello, 10 anyos, taga Barangay IIuluan, Camalig, Albay.

An driver kan 10-wheeler truck nagpahayag na nawaran siya nin control kan saiyang pigmamanehong vehiculo, kan magkupsit an preno, na nagresulta sa aksidente.

Pigmamaneho an truck ni Joel Bondino y Salvador, 38 anyos, na taga San Jose, Pili, Camarines Sur.
Susug sa report sa BICOL STANDARD, mayo na nin buhay an duwang victima, mantang an iba pang nadamay sa aksidente pigbubulong pa ngonian sa hospital.

An truck na pasiring sa direksyon kan sentro kan Camalig, Albay iyo si guinikanan kan karambola kan mga vehiculo.

Sabi sa report, an aksidente haros kapareho kan nangyari kan Domingo sa Daraga, Albay, na kun saen na 4 na tawo an nagkagaradan, kabale an sarong bados na maestra. Dakul man si nangkarulogadan sa aksidente sa vehiculo, na an pigponan an nagkupsit na preno kan awto.BICOL STANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...