Sunday, October 19, 2014

Agom ni Gov. Egay Tallado, saro pa, nawawara

CAMP SIMEON OLA, Albay – Tarabang na sa paghanap ngonian kan duwang personas na nawawara poon pa kasoodma.

Sinda, nakalunad nin Toyota Fortuner na itom an color, na nakuang inabandonar sa Maharlika Highway sa Napolidan, Lupi, Camarines Sur. Alagad an mga tawong nakasay sa vehiculo,dae aram kun yaon saen.

Sa pinakabagong despacho kan bareta, sinasabing an esposa ni Gov. Edgardo "Egay" Tallado, na si Josie Tallado an nakaluhad sa sinambit na vehiculo, asin saro pang may pangaran na Darlene Francisco.

Si Mrs. Tallado asin si Darlene, magkaibahan sa paglunad sa Toyota Fortuner na may Plate Number PRI 744, kan Octobre 17, poco mas o menos alas 2:10 nin hapon.

Ini ipinahayag ni PO1 Michael Lubiano y Cabines, an nakadistinong pulis sa Camarines Norte PPSC sa Vinzons Municipal Police Station.

Sabi ni Lubiano, si Mrs. Tallado asin Darlene Francisco pasiring sa Barangay 3 sa Vinzons.

Naghale sinda sa nasambit na lugar, alas 3:00 na nin hapon, alagad tinugon si Lubiano na halaton sinda abot alas 7:00 nin banggi.

Idinagdag ni Lubiano na inabot na siyang  paghadit kan lampas na sa pigtalaan na oras na alas 7:00, dae pa nagaabot an saiyang hinahalat.

Pirang beses suboot siyang nagprobar na magparaapod sa telepono ni Darlene Francisco, pero mayo siyang naricibeng simbag, hasta alas 6:00 na nin amay na aga, kan fecha 18, ngonian na bulan.

Poco mas o menos alas 9:00 na nin aga, kan mag paisi si PO3 Rico Asuncion, nakadistinong pulus sa PPSC na an vehiculo na piglunadan ninda Mrs. Tallado asin ni Darlene Francisco.

Hastang sa sinusurat an baretang ini, mayo pa nin informasyon an mga awtoridad kun yaon saen an duwang nawawarang persona. BICOLSTANDARD.PH.

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Drug lab query continues

Committee on Dangerous Drugs points to more inconsistencies VIRAC, Catanduanes 2/27/17 (Bicol Standard)—The House Committee on Dange...