Thursday, October 30, 2014

Gilas, game over na; Coach Chot, out naman

Smart Gilas Pilipinas
Tapos na an karawat.

Oficialmente nang pig-anunciar kasubago ni PBA commissioner Chito Salud an pagsuruwayan kan basketball team na Gilas Pilipinas asin an paghale ki Chot Reyes bilang coach kan national team.

Ipinaabot ni Commissioner Salud sa media, na aprubado na kan board kan Samahang Basketbol ng Pilipinas (SBP) sa pamamayo kan presidente kaini na si Manny V. Pangilinan an pagforma nin sarong selection committee.

Nakaatang sa abaga kan mga miembros kan bibilugon na comite an pagpili kan mga bagong parakawat asin coach kan bagong national team.

Maroromdoman na sa liderato ni Coach Reyes, nakua kan Gilas an kapangganahan sa Jones Cup, runner-up win sa Fiba-Asia Chambionship, bago kaini makua an ika-7ng pwesto sa Asian Games.

Mayo pang paliwanag an PBA Commissioner manongod kaini.

An makadisganar na kawat kan Gilas sa Asian Games sa Incheon, Korea an pigbabasol kan ibang lado na rason kan pagsiriblagan kan national team.—BICOL STANDARD
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...