Tuesday, October 28, 2014

Cuarto ni Darleen Francisco, linaog nin dae bistong tawo

VINZONS, CNorte – Mas hararom na imbestigasyon an ginigibo ngonian kan mga pulis sa nangyaring paglaog sa residencia ni Darleen Francisco, poco mas o menos alas 7:40 kan sarong banggui.

Darleen Mitchell Francisco
Retrato hale sa social media account ni Francisco
Susog sa report kan pulis, malinaw na ginamitan nin fuerza an paglaog sa cuarto ni Franciso na namumugtak sa San Roque St., Barangay III, Poblacion, digdi.

Si Francisco iyo si babae na kaibahan ni Mrs. Josephine Tallado, agom ni Gov. Edgar “Egay” Tallado kan sinda magdulag pasiring sa Naga City, mantang nag iibitar suboot sa gobernador ta igwa nin huma sa saiyang buhay.

Inabutan kan mga pulis an cuarto ni Francisco na enterong winaragas an saiyang mga gamit, na may senyal na igwang hinahanap na bagay an mga suspechado.

Nakalaog sa cuarto an suspechado sa paagi kan pagrangka kan “steel grills” sa bintana sa parte na kusina, asin binaklas an tulong dahon kan jalousies, na iyo an ginamit na entrada kan suspechado.

Mientrastanto, sinabi pa sa imbestigasyon na igwa nin nakuang nakasurat sa kapidasong papel, na iwinalat sa salog na na may tataramon na “Wag kang uuwi, patay ka, gov.”

Dae man masabi kun may nawawara na mga gamit sa laog kan cuarto ni Darleen ta mayo siya sa saindang residencia kan mangyari an incidente.

An mga imbestigador may nakuang duwang cellphone na pig turn over ki Atty. Ludivina Francisco.

Afuera kaini, nakakua pa nin sarong ballpen asin sarong latent print.

Mientrastanto, si Gov. Tallado, nag hagad nan in depensasyon sa saiyang esposang si Josephine kasoodma, asin sa saiyang mga kahimanwa sa Camarines Norte, huli kan nangyaring escandalo na nangyari, kan mag kuriyat an saiyang retrato, kaibahan an saiyang “sinasabing” piday o bata, na naging viral sa internet.—BICOL STANDARD

Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...