Tuesday, October 21, 2014

Kantidad P470,000 nalalay kan parasalakat

CAWAYAN, Masbate—Tulong lalaki na naka bonnet an fuerzahan na nagsalakat sa residencia kan mag-agom na Elnie Cuyos y Hogan asin Rammel Cuyos y Pradilla, sa Barangay Chico Island sa banwaan na ini.

An pagsalakat nangyari poco mas o menos alas 7:30 nin banggi mantang an mag-agom nagkakakan kan fecha 20 ngonian na bulan.

Segun sa paliwanag kan mga victima, nabigla sinda kan maglaog an sarong lalaki sa kusina ninda asin derecho nagtutok kan armas na calibre .45ng pistola.

Mantang nakatutok an saindang armas, 2 pang lalaki an sunod na naglaog sa puerta sa kusina, na anas man nakatakop nin bonnet an saindang payo asin pandok.

Huli sa pagkabigla, nagdeclarar an saro sa saindang pag-iriba nin holdup asin dagos nang hinagad an saray nindang cuarta asin mga alajas.

An mga parasalakat nakadara nin kantidad P350,000 na cash, asin man laen-laen na claseng alajas na an kantidad P120,000.

Pagkatapos tulos na makua an cuarta asin alajas, marikas na nagdurulag pasiring sa dae maciertong direksyon.

Mientrastanto, an mga awtoridad digi an nagtitipon pang mga informasyon hale sa mga pwedeng nakamasid kan mga tawo na naglaog sa nasambit na islang barangay.—BICOLSTANDARD.PH

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...