Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Sunday, October 5, 2014

4 gadan sa aksidente sa bus sa Daraga, Albay

DARAGA, ALBAY – Apat na tawo an confirmadong nagkagaradan kan an bus na saindang pig lulunadan mawaran nin control dagos mahulos sa bakilid na lugar sa banwaan na ini, ngonian.

Sa report hale ki PSSupt Mario Meneses, an Provincial Director kan Albay, naaraman na an aksidente nangyari poco mas o menos alas 9:15, kasubagong aga, (Oct 5, 20145).

An aksidente nangyari sa National Highway, sa Barangay Kimantong, sa banwaan na ini.

An mga imbestigador kan Daraga Municipal Police Station nagpahayag na mantang an pampasaherong bus kan Don-Don Liner nagdadalagan sa tinampo,hale sa Sorsogon pasiring sa Legazpi City, namatean  suboot kan driver kan bus na si Rommel San Buenaventura na nawaran na siya nin control kan vehiculo.

Si San Buenaventura, 43 anyos an edad, may agom, taga Barangay Pamurayan, Sorsogon, Sorsogon.
Nagpaliwanag an driver na pirang beses niyang tinapakan an preno kan saiyang pig mamanehong vehiculo, pero dae na nagkakagat an preno.

Huli kan siring na problema an bus nag tagilid asin buminungo sa concretong kudal.

Apat (4) tulos an pig confirmar na nagkagadadan sa makangirhat na aksidente.

Sinda pig bistong sa : (1) Ryan Percibal Abrigo y Samalla, 8 anyos, (2)  Grace Ann Abrigo y Samalla, 4 anyos, pareho sinda residente kan Barangay Salvacion.

Kan darahon sa pinakahareneng hospital an saindang mga lawas, sinabi kan mga doctor na mayo na sinda nin buhay.

An ika tulo (3) na binawian nin buhay iyo si Maria Georgina Abrigo y Samalla, 7 anyos, taga Salvacion asin an ika apag (4) iyo si Princess Dichoso y Ladrnes (badog nin duwang bulan), 26 anyos, maestra, na taga Capoy, Sorsogon.

Segun sa dugang na informasyon hale ki PInspector Malou Calubaguib, an regional indormation officer kan PNP sa Bicol, ginigibo pa an imbestigasyon kan aksidenteng ini para detalyado an ipapaluwas na bareta kan PNP. – BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...