2 estudyanteng makikibaile, binadil sa Masbate


Aroroy, Masbate – Saro na naman na incidente nin pambabadil an nangyari sa Barangay Managanaga, banwaang ini.

Sa report hale sa oficina ni Police Inspector Malou Calubaquib kan PRO5, poco mas o menos alas 11:00 nin bangui, kan binadil si Rey Yamson Nonsol, 20 anyos  asin si Delmar Cabarles, 21 anyos.

An duwa pareho estudiante sa Barangay Nabongsoran. 

Suboot, naglalakaw an mga nasabing soltero pasiring sa sarong barailehan sa Barangay Managanaga kan mangyari an incidente.

Alagad, kan makaabot an duwa sa atubangan kan Rancho Elesa, na harane na sa lugar na saindang dumanan, duwang lalaki na pareho nakalunad sa motorsiklo, an nagpondo sa tungod ninda. Dagos na pinutokan kan saindang darang badil si Nonsol asin Cabarles.

Marikas na nagdurulag an mga sospechado, pasiring sa direksyon na dae madeterminaran kan mga nakamasid kan pangyayari.

Si Nonsol, gadan tulos sa lugar kan incidente, mantang si Cabarles idinalagan pa sa Masbate Provincial Hospital.

Huli sa makuring tama sa saiyang lawas, binawian man guiraray siya nin buhay.

An motibo sa pag gadan kan duwa, dae pa aram kan mgas imbestigador, sagkod ngonian.
Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 

Start typing and press Enter to search