Monday, September 15, 2014

#LuisPH: Computer shop sa Calabanga, sinalakat

CALABANGA, CSur--Inaprovecharan suboot kan mga parasalakat an makusog na uran na dara kan bagyong Luis digdi kasoodma kan saindang laogon an sarong computer shop sa atubangan kan CBSUA Calabanga Campus.

Sa report na ipinaabot kan Calabanga Municipal Police Station sa BICOL STANDARD, sinabi na an insidente nangyari bandang alas 9:15 nin aga.

Pagsasadire ni Alberto Reyes kan Barangay Belen an nasambit na computer shop.

An mga suspechado nakalaog matapos ninda raoton an kandado, asin laboton an sarong pwertahan.

Linalay kan mga pusikit na parasalakat an duwang computer na may karkuladong kantidad na P25,000 lambang saro.

Sa imbestigasyon kan pulis, naaraman na an mga suspechado enot nang nagprobar na laogon an computer shop kan banggi pa kan Sabado, Septiembre 13.

Padagos pa ngonian an imbestigasyon tanganing mabisto an mga parasalakat, dinugang pa sa report.--BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest
Share:

Featured Post

Daet ex-mayor convicted of malversation, graft charge

Former Daet, Camarines Norte Mayor Tito Sarion MANILA 10/12/17 (Bicol Standard) -- Former Daet, Camarines Norte Mayor Tito Sarion wa...