Rambol kan familia, 1 gadan

TIWI, Albay--Kumbinasyon nin suntok asin sapuyong sa pandok an ikinagadan kan 54 anyos na tugang na lalaki kan suspechado sa banwaan na ini.

An victima iyo si Bonifacio Conmito, may agom, taga Barangay Dapdap.

Pigdeclarar siyang mayo nang buhay kan darahon sa doctor.

An mga awtoridad na nag-imbestigar, nagsabi na iwal nin magtugang sa daga an guinikanan kan surontokan.
Si P/Insp Jorem Callos nagsabi na base sa saindang pagsiyasat, an victima asin an saiyang tugang na si Agapito Cormito, nagkainitan sa malanit na diskusyon manongod sa pig-iiriwalan nindang daga.

An dae pagkaintindihan kan magtugang iyo an nagserving mitsa kan saindang suntokan.

Mientrastanto, mantang nag-rarumble an magtugang, an mga aki kan suspechado na pigbistong sinda Antonio asin Alex, nagsurog na man sa saindang ama.

May mga nagtarabang para masaway an nag-iiwal na magtugang.

An esposa kan victima nagsabi na dae sana nahaloy an saiyang agom, na victima digdi, an nag senyal saiya na maraot an pagmate asin nagpipiot an daghan asin kinakapos nin hinangos.

Poco mas o menos alas 5:00 nin hapon, binawian na nin buhay si Bonifacio Conmito.

Hinagad kan nawalat na miembro kan familia kan victima an tabang kan mga pulis para dakopon an mga suspechado.

An mga awtoridad, hidale na nagduman sa residencia kan mga suspechado para sinda arestaron asin panimbagon sa nangyari krimen.

Kabale sa kakasohan huli sa nagsurog sa pagbanog kan victima iyo an tugang na si Agapito, asin an saiyang duwang aki. --BICOLSTANDARD.COM BICOL NEWS

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest

Start typing and press Enter to search