Monday, September 1, 2014

Police Insp Gomez nakuang gadan sa cuarto

DARAGA, ALBAY –“Mayong foul play.”

Atake sa puso an rason sa pagkagadan ni P/Insp Francis Gomez y De Los Angeles, 38 anyos na miembro kan Municipal Police Station kan banwaan na ini.

Sinabi kan mga imbestigador, si Gomez hale pa sana sa shooting practice kan amay na magdiscanso sa saiyang cuarto.

An saiyang mga iriba nagsabi na maraot an saiyang pagmate kan aldaw antes siyang magadan. Huli kaini dagos siyang naglaog sa saiyang pig aarkilang cuarto para magpahingalo na.

Nagkapirang minutos pag abot sa harong may kaolay pa suboot si Gomez na sa saiyang cell phone mantang nasa laog na kan cuarto.

Mientrastanto, nadiscubre an saiyang gadan nang lawas kan reparohon kan saiyang mga pagiriba an laog kan saiyang estaran ta dae pa siya nagluluwas.

Kasoodma, sinabi ni P/Supt Joel Adan, an pamayo kan MPS digdi na mayo sindang pagtubod na victima siya nin krimen.

Si Gomez mayo nin mga pariente digdi, ta an saiyang mga kapamilya duman nag eestar sa Katagalogan.

Poon na madistino si Gomez sa Kampo General Simeon Ola,bako man suboot siyang paralakaw.(BICOLSTANDARD.COM) BICOL NEWS
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...