Wednesday, September 24, 2014

Carnapper nin motorsiklo sa Naga aktibo na naman

NAGA CITY—Nag-atake na naman an mga parahabas nin motorsiklo sa ciudad na ini, sabi sa report kan police.

An nagreclamo na nawaran kan saiyang service na motorsiklo iyo si Hilarion Gonzales, taga B 11, L23, sa Villa Obiedo Subdivision, Barangay Cararayan.

An victima nagsumbong sa pulis na mantang nakagarahe an saiyang  motorsiklo sa atubangan kan Orange Dormitel, alas 2:45 nin hapon, sa Blumentritt St, Barangay Tinago, nawara ini, alagad dae nabisto kun sisay an nagkua.

An motorcyclo sarong pulang Honda XRM asin nakarehistro sa pangaran ni Reagan S. Gonzales.
An mga imbestigador kan pulis nagsabi na marikas si saindang pagresponde kan oras na ipinaisi saindang an pangyayari.

Pero, dae na ninda inabutan an parahabon.

An incidente nin panghahabon nin  motorsiklo parate nang nangyayari digdi, asin an mga tawo pinatanidan an gabos na pirmeng maglikay.

Huli kan siring na pangyayari, sarong special na operasyon kan mga awtoridad an pigbilog tanganing hanapon an mga imbuelto sa siring na aktibidad nin mga kriminal.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...