Wednesday, September 24, 2014

Collection kan lending agency, inagaw

MINALABAC, Camarines Sur – Mayong naginibo an sarong collector kan Fundline Finance Corporation kan siya tutokan nin badil kan sarong holdupper sa banwaan na ini.

Sa report kan mga awtoridad, pigbisto an victima na iyo si Glenn Sola y Autor, 35 anyos, residente kan Barangay Tariric digdi.

An imbestigasyon kan police nagsasabi na poco mas o menos ala 1:40 nin hapon, mantang an victima yaon sa Barangay Manapao, igwa nin dae bistadong lalaki, na nakalunad sa color itom na motorsiklo an nagdulok saiya.

Dagos siyang tunitukan nin calibre .45ng badil, kasabay an pagsabi na dapat iluwas niya an saiyang cuartang dara.

Huli sa pagkabigla, itinao tulos ni Sola an cuarta na yaon sa saindang bulsa na kantidad P10,000.
An sinambit na kantidad iyo an saiyang collection hale ki Josephine Provaldos, na parokyano kan lending company.

Nagdeclarar si Sola na an holdupper nakasulot nin itom na jacket asin shorts.

Marikas na nagdulag an dae nabistong suspechado.


An mga imbestigador kan police digdi, sa pamamayo ni PO3 Herminigildo Moreno, nagpahayag na ginigibo pa ninda an pagsiyasat dapit sa bagay na ini.—BICOLSTANDARD.COM Bicol News

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...