Wednesday, September 17, 2014

Mga pinutol na kahoy sa Goa, pigconfiscar kan police

GOA, Camarines Sur – Dinakop kan pinagsarong grupo kan police sa pamamayo ni PCI Chito Oyardo, an Acting Chief of Police digdi, asin kan team kan DENR-CENRO an mga piniridaso nang kahoy sa Hiwacloy.

An anti-illegal logging operation parte kan maisog na kampanya kan mga awtoridad na pohoon an gabos na forma nin illegal na pagputol nin kahoy.

Afuera kan mga piridaso nang kahoy, pigconfiscar kan team kan police asin DENR an sarong unit nin chainsaw na may Serial No. 5174325520 na sadire ni Mario Colima y Ravanilla, 52 anyos, residente kan nasambit na barangay.

An mga kahoy na naconfiscar may carculadong valor na P8,000. Ini sadire ni Romeo Azcarraga y Rodriguez, 57 anyos, may agom, asin residente kan Hiwacloy.

Mientrastanto, sabi sa report, kan hagadan nin papeles an may sadire kan pinidaso nang kahoy, mayo siyang naipaheling.

An mga kahoy dinara na sa poder kan DENR para gibohon na evidencia sa pagsangat nin caso.

An pigbalgang ley kan may sadire kan kahoy iyo an PD 795, asin an Chain Saw Act of 2002.--BICOLSTANDARD.COM BICOL NEWS

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...