Isipon, Osipon: Trivia manongod sa Mayon Volcano

Mantang nag-aalburoto an Mayon Volcano, asin may senyales na magkakaigwa nin pagtuga, oya an naka-record kan limang pinaka grabeng pag-tuga kan bulkan na ini:

Mayon Volcano
Retrato hale sa Guinobatan Tambayan
An pinaka grabeng distroso sa pagtuga kan Mayon nangyari kan Febrero 1, 1814, na may nagadan nin 1,200 na tawo.

Rinadas kan pyroclastic flows hale sa ngimot kan bulkan an Camalig, Cagsawa, Budiao, Guinobatan asin an kabanga kan Albay.

An pagtuga kan 1814 pigmustra sa record na may pyroclastic flows, volcanic lightning asin nagdalihig na lahar.

Kan Junio 4 hasta Julio 23, 1897, iyo an pigsasabing ika duwa sa pinakagrabeng pagtuga kan bulkan.

350 personas an nagadan huli man guiraray sa pyroclastic flow, na pig sasabing kairiba kan nagdadalihig na mainit na tubig asin nagbabagang gapo.

Inabot nin 17 oras an peligrosong pagputok kan bulkan na nakadistroso kan mga lugar abot sa may coastal na parte kan Sto Domingo. Naafectaran kaini an mga barangay Sto Nino, San Roque, San Antonio, Miserecordia sa Sto Domingo.

Sa balyong parte kan bulkan, na-affectaran an Ligao, orog na an mga barangay Bigaa, San Fernando asin mismo an Legaspi City. An Basud River sa Sto. Domingo asin an Camalig kabale pa sa nagulpi kan pagtuga.

Kan Febrero 2 hasta Abril 4, 1993, 77ng tawo an nagadan, kadaklan mga paraoma. Afuera kan nagdadalihig na pyroclastic materials na pigtutupga kan bulkan, kasarabay man an abo, asin lava. An mga Barangay kan Mabinit, Bonga, Banwaan kan Camalig, Sto Domingo asin mismo an Legazpi City an nadanyaran.

Sa pagultanan kan Julio 20 hasta 27, 1766 iyo ika duwang beses na nagtuga an Mayon nin sobra sa anom na aldaw. 39 personas an nagadan. An makusogon na pagputok kan Mayon an nagdarang dakulaon na distroso sa Cagsawa, Guinobatan, Budiao, Polangui asin Ligao.

Kan Julio 7, 1853, 34ng tawo an binawian nin buhay sa pagtugang ini. An causa kan saindang kagadanan iyo si mahibog na maray na abo, pyroclastic flow asin lahar. Liwat an napeligrohan na mga lugar iyo an Camalig, Guinobatan, Ligao, Oas, Polangui, Malilipot, Bacacay, Cagsawa asin an Albay.

Segun ki OCD Director Raffy Alejandro, kun magtuga ngonian na taon an Mayon, iyo na ini an ika-50ng beses.--BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest

Start typing and press Enter to search