Tuesday, September 16, 2014

2 gadan, 2 irido sa Masbate

MASBATE—Duwa an gadan, duwa an irido sa suway na krimen  na nangyari sa probinsyang ini.
An enot na victima nin krimen iyo si POI Fabin Baldemoro, residente kan Barangay Lahong Baleno.
Susug sa pag siyasat, si PO1 Baldemoro pasiring sa harong kan saiyang kasaroan, na pigbistong si Jessa Badoso, na sarong paratukdo.

Nagluluwas sa bareta na nabigla na sana si Badoso kan makadangog siya nin parakpatak nin putok nin badil harani sa saindang residencia.

Kan saiyang dungawon an pighalean kan putok, naheling niya na nakahigda na, asin nagkakarigos nin dugo si Baldemoro.

An victima nakaabot pa man kuta sa pwertahan kan saiyang dudumanan na harong, alagad natumba na sa tama nin mga bala.

An mga imbestigador nagsabi na nakakua sinda nin baseyo nin bala hale sa 9mm pistol.

Mayo nin nakabisto kan mga kriminal.

Mientrastanto, saro pang persona binadil asin dagos nagadan mientras na nasa baraylehan sa banwaan kan Aroroy digdi.

An victima iyo si Ernie Morada.

Igwa man nin lugad si Vilma Morada asin Josie Calderon, huli kan rubo-rubo asin insidente sa kaorogmahan.

Sa ginibong pagsiyasat kan mga pulis, naaraman na an suspechadong si Rodeto Bajar sa dae maaraman na rason binaradil an mga victima.

An suspechado marikas na nagdulag sa mga awtoridad, asin hinahanap pa sagkod ngonian.--
BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...