Isipon, Osipon: "Kanor" dai na marapado

Ini daa si Kanor. Bisto mo?
Retrato hale sa Google Plus
Si Mang Kanor, Bikolano daa. An sabi kan iba, Davaoeño.

Mayo man talagang nakakabisto ki Mang Kanor.

Pero an Philippine Atmospheric Geophysical and Astronomical Services Administration (PAGASA), nagsabi na si Kanor, pangaran nin bagyo.

Sa ibang tawo, orog na sa mga nag-uusar kan social media, si Mang Kanor, iyo si lalaki sa X-rated na video sa youtube.

Naheling siya sa kama na may kaibang menor de edad na babae na kasyahan sana man an gayon.

Bantog si Mang Kanor na medyo gurang na, alagad palekero.

Bilang prueba kan saiyang popularidad, igwa na siyang fan page na may 69,000 na miembro.

Pusog an tindog asin poco mas o menos 58 anyos na an edad. Bako man guapito. Makusog sana an sex appeal, orog na sa mga joven.

An saiyang fan page pirmeng pigbibisita nin dakul na nag-iidolo sa nag-eedad nang gigolo.

Huli sa bagay na ini, an PAGASA nagdecider na paraon na lugod sa saindang listahan an pangaran na Kanor bilang sarong bagyo.

En vez, an weather bureau nagsabi na an masunod na malaog na bagyo aapodon "Karding."

Ini para maebitaran an mga maringgaw asin marigsok na isip na naoogma asin nag-oolog-olog saiya.

An sabi sa report, dakul an namundo kan desisyon na ini kan PAGASA.

Haloy na suboot sindang nagparahalat na mag-abot an bagyong Kanor ta gusto ninda maaraman kun ano man talaga an saiyang hapiyap, ringis asin rapado.

Sa nangyaring ini, an mga simpatisadores ni Kanor, naghahagad nin hustisya na ibalik an pangaran sa lista.

Mientrastanto, pigparahanap kan BICOL STANDARD kun taga saen talaga si Kanor, kun siya Bicolano, taga-Iriga, taga-Daraga, o taga-sain pang ibang lugar. Mayo talaga nin nakakabisto.

Igwang nagsasabi na gadan na si Kanor. Alagad, mayo pa nin confirmasyon.

Si Kanor, pangaran nin bagyo. --BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest

Start typing and press Enter to search