Wednesday, September 17, 2014

Lalaki gadan kan tapirangon sa loong sa Iriga City

IRIGA CITY – Dae na nasugponan an buhay ni Weng Decano kan siya tamaan nin makusog na punite sa likod kan saiyang loong hale sa gogom na kamot ni Unsoy Maestral kan sarong aldaw.

An imbestigasyon kan mga awtoridad nagsasabi na an victima nagkakakan sa sarong carenderiya sa Barangay Poblacion digdi kan siya lipaton nin suntok kan suspechado, mantang talikod nagkakakan.

Pirang minutos sana pagkatapos kan insidente, dinara si Decano kan mga miembros kan Bureau of Fire Protection (BFP) sa Iriga Lourdes Hospital, alagad pirang minutos an nakaagi, pigdeclarar na ining mayo na nin buhay.

Sabi sa report kan police, nangyari an krimen poco mas o menos alas 10:00 nin odto.

An suspechadong si Maestral, nag-eerok sa kataid sanang harong kan victima.

Mayo pang malinaw na informasyon kun ano an guinikanan kan pangyayari.

Si Maestral tulos nagdulag pagkatapos sanang magbulagting an victima, kan siya tapirangon asin sukitihon sa likod na parte kan saiyang liog.

Pighahanda na ngonian kan mga awtoridad an caso contra sa suspechado.--BICOLSTANDARD.COM BICOL NEWS

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...