Impeach Binay--Salceda

Albay Gov. Joey Salceda
Photo: Johnry Lastimosa/Joey Sarte Salceda Facebook Account

Sangatan nin impeachment complaint si Vice Presidente Jejomar Binay.

Ini an tamang gibohon para matapos na an nagdadanay na controversiya sa Senado, dapit sa suboot overpriced na Makati City parking building.

Segun sa pahayag ni Albay Governor Joey Salceda, en vez na pag-orolayan an mga bagay na makakatabang sa pag plano kan mga programa asin proyekto sa mga pwerant lugar, nauubos an panahon kan Senado sa pag dis-arolya kan issue na imbuelto si Binay, na saiyang na-comitir durante kan panahon na bako pa siyang vice presidente.

Sabi ni Salceda sa saiyang pagtaram sa press conference sa Diamond Hotel sa Manila, dapat preparado si Binay sa siring na sitwasyon.

Si Pres Benigno Aquino III ngani, sinangatan nin 3ng impeachment complaints.

Alagad, anas ibinasura kan House Committee on Justice sa rason na “insufficient in substance.”

Si Binay sinasahotan na pigbabotog na maray an presyo sa pagpagibo kan P2.8B na Makati parking building kan siya iyo pa si Alkalde kan Makati City.

An bagay na ini dapat linawon por medio nin impeachment complaint, na iyo an solamenteng solusyon para magkaigwa na nin “katapusan” an sinambit na issue.

Si Aquino sinangatan nin impeachment complaint huli sa pigdeclarar na unconstitutional na DAP asin sa Enhanced Defense Cooperation Agreement  sa Estados Unidos.--BICOLSTANDARD.COM Bicol News

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest

Start typing and press Enter to search