For immediate hiring

For immediate hiring

Monday, September 29, 2014

Kabaong nin gadan, naompagan an bangkay

NAGA CITY – “Masangat kami nin demanda sa jusgado.”

Ini an pigcoconsiderar kan mga miembros kan familia ni Domingo Antepuesto, an magurang kan gadan na aksidenteng nahulog asin nakaluwas hale sa saiyang kabaong, mantang pig mimisahan sa Immacuate Concepcion Church digdi.

“May kapabayaan an Cristo Funeral homes,” an pahayag ni Antepuesto, mantang pig-aaragapan na haleon an takop kan kabaong na naka-ompag sa hawak kan bangkay.

An sabi kan mga nakaheling, nasa katahawan kan misa sa gadan, kan luway-luway na pigpapakaray kan tawohan kan Cristo Funeral Homes an kabaong kan gadan.

Alagad, aksidenteng nakatama an rueda kan nabubugtakan kan bangkay sa kanto kan sarong parte kan salog kan simbahan.

Huli kaini, na-litwang asin naula lugod an hawak kan bangkay sa salog kan simbahan.

“Grabe man an nangyari sa samuyang gadan na pinsan. Gadan na ngani, nahulogan pa kan takop kan saiyang kabaong,” an anggot na pahayag ni Nelly San Juan, pariente kan gadan.

Huli kan siring na pangyayari, dae nakapugol an sarong miembro kan familya Antepuesto, kaya sinukiti kaini nin nagkapirang beses an tawohan kan Cristo Funeral Homes na naging causa kan aksidente.

An may sadire kan funeraria na si Boyet Cristo naghagad tulos nin despensasyon sa familia kan gadan.

Ipinaliwanag ni Cristo na aksidente si nangyari asin dae man tinuyo kan saiyang mga empleado.

Alagad, maski pa aksidente si nangyari, dae man suboot siya mapabaya na dae magtomar parte para tawan nin pangadalan asin disiplina an mga imbeltong empleado, kun may kapabayaan.

An Cristo Funeral Homes nagsabi na sa saindang parte, namumundo sinda kan nangyari sa bangkay. Alagad, nagpasabot pa na dae man kuta dapat kinastigo an saiyang tawohan, ta aksidente si nangyaring pagka-ola kan bangkay kan gadan hale sa saiyang kabaong.

An familia Antepuesto, sa ibong na lado, nagpahayag na pig- aadalan pa ninda kun ipapadagos an pagreklamo, huli sa danyos sa sainda asin kasusupgan, na causa kan nangyaring kapabayaan kan funeraria na nagservicio sa saindang gadan na miembro kan familia.–ni Boyet Paderes BICOLSTANDARD.COM
Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...