Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, September 24, 2014

Parabulang binadil sa Aroroy, Masbate

AROROY, Masbate – Tinadtad nin bala an lawas ni Gene Tan y Barrun, 49 anyos, negosyante, mantang kaibahan niya an saiyang kasaroan sa laog kan bulangan.

An mga imbestigador nagsabi na an nagbadil ki Tan iyo si Ambrosio Miralles y Magallanes, 39 anyos, asin saro man na negosyante na taga Barangay Luya-on, sa banwaan na ini.

Sabi sa report, mantang an victima yaon sa laog kan bulangan, naglaog an suspechado asin mayong sinayang na minuto, binadil tulos nin nagkapirang beses an victima.

Sa lugar kan pinangyarihan kan krimen, nagadan tulos si Tan huli kan tama nin 7ng bala na an iba naglagbas pa ngani sa saiyang lawas.

An police na nagsiyasat nakakua nin 7ng baseyo nin bala hale sa calibre .45 asin tulong ilog, hale sa parehong badil na ginamit sa krimen.

Mientras na nag-aansyas an suspechado na magdulag, nadakop man tulos siya kan mga awtoridad, mantang pugol pa an saiyang ginamit na armas sa paggadan kan victima.

An badil yaon na ngonian sa poder kan Provincial Crime Laboratory Office, para sa magkakanigong disposisyon kan caso.


An incidente nangyari poco mas o menos alas 3:00 nin hapon sa Barangay Luy-a, sa banwaan na ini. –BICOLSTANDARD.COM BICOL NEWS

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...