Monday, September 8, 2014

Suspek paggadan ki Albay BM Saribong, dakop

Na-arestar na kan sarong aldaw an saro pa sa mga suspechado sa pag dukot asin pag gadan kan dating Board Member kan Albay na si Jose Saribong, sabi kan police.

Dating Board Member Jose Saribong
Retrato hale sa Facebook account ni Saribong
Si PNP Anti-Kidnapping Group (AKG) Chief Renato Gumban nagsabi na si Martin Lico, Jr., nadakop sa Rhonaville Townhomes, sa Las Piñas City.

Si Lico yaon ngonian sa poder kan PNP-AKG sa Camp Crame, Quezon City.

Sinabi ni Gumban na si Lico iyo si mga kasapakat ninda Mark Stanley Banghulot, Roger Mirabite, Roger Escropolo asin Teody Maghayop.

An apat, enot nang na-arestar kan mga awtoridad huli sa saindang partisipasyon sa Kidnapping asin Murder ki Saribong.

Kan Enero 23, 2013, an negocianteng politico na si Saribong an dinukot kan mga suspechado sa Golden Meadows Subdivision sa Mayamot, Quezon City.

An mga nagkidnap naghahagad nin kantidad P40 M para sa saiyang libertad.

Pagkatapos na nagkapirang beses na negosasyon, an saiyang familia nakatao nin kantidad P800,000 sa mga kidnappers, na dae aram na gadan na palan an victima.

An Presidential Anti-Organized Crime Commission nagsabi na si Lico imbuelto pa sa nagkapirang iba pang kidnap for ransom na mga caso na pig-iimbestigaran pa ngonian.—BICOLSTANDARD.COM BICOL NEWS
Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...