Sunday, August 17, 2014

Maestro, gadan sa aksidente sa Jose Panganiban

JOSE PANGANIBAN, CAMARINES NORTE –Pigdeclarar nang gadan an hawak ni Joel San Agustin, kan siya darahon sa Jose Panganiban Primary Cooperative Hospital kan makasabat nin aksidente sa tinampo sa Purok 1 Barangay Sta. Rosa digdi.

Sinabi ni P/Insp Victor Abarca, an victima nakalunad sa saiyang motorcyclo na may plaka na 1X 5849, kan magkasabatan sagkod an PUV na may plakang EVT 313 na nagresulta sa kagadanan kan victima.

Susog sa pagsiyasat, si San Agustin taga B16 – L18, Greenbelt Subdivision sa Barangay Alawihao, Daet, Camarines Norte.

Antes mangyari an aksidente, naheling kan mga informante na an motorsiklo na piglulunadan ni San Agustin nagwawariwad na nagdadalagan sa tinampo.

Haros nawaran na nin control sa manibela an victima kan biglang magbaktas an saiyang sinasakayan sa ibong na linya kan tinampo.

Pirang segundos sana, may nagbutwang Public Utility Van, na kasabatan niya, asin nagkabangaan sinda.

An driver kan van pigbistong si Raymundo Alagbate, taga Purok 1, Lukban Norte.

Si San Agustin maestro sa Manguisoc National High School sa Mercedes, Camarines Norte.—BICOLSTANDARD.COM
Bicol news | Albay news | Camarines Norte news | Camarines Sur news | Catanduanes news | Daet news
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...