Invitation for Bids

Invitation for Bids

Job Posting

Job Posting

Saturday, August 23, 2014

Nagadan sa ibabaw huli sa bawal na relasyon

SIPOCOT, CSur –“Mayo nin krimen sa pagkagadan ni Jose”.

Ini an sabi ni Vivian Ramos, 30 anyos, taga South Centro, digdi.

Si Ramos iyo si babae na kaibahan ni Jose Osio, 50 anyos, taga San Juan, Libmanan, Camarines Sur na nagadan sa laog kan Sixteen lodging house sa Barangay Gaongan.

Sa osipon ni Ramos, sindang duwa ni Osio, naglaog sa lodging house para mag-celebrar kan saindang  nag aarab-adab pero tago, bawal, alagad mahamis na relasyon.

Poco mas o menos alas 6:00 nin bangui kan sinda patagong maglaog sa lodging house.

Dara ninda an takot, paghadit asin kurab-kutab nin daghan ta tibaad mabulgar an saindang pig hihilom na relasyon.

Mantang yaon na sa laog kan cuarto, halipot sana si kuromustahan,nagpasabot tulos  si Osio na gusto niyang mahipnoan an nawarang mga aldaw na dae sinda nagkaibahan.

Marikas si mga pangyayari.

Bastang namatean na sana ni Vivian si mga mainit na palad ni Jose na nag kamang pasiring sa saiyang daghan. 

Tulos nagmakot an saindang pangangaipo sa lambang saro.

Pirang minutos sana, sabi ni Vivian namasdan niya si Jose bilang nag tunglay.

En vez na mainit an saiyang lawas, ginaranot ini nin malipot asin nag lipot an dila asin dae na nakakataram.
Inulaan ni Vivian nin tubig an lalawgon ni Jose ta tibaad maomayan pa ini.

Alagad, nag orog an saiyang kamugtakan.

Huli sa nangyari, inapodan tulos ni Vivian an mga katiwala sa Sixteen lodging house.

Nagdaralagan si mga empleado palaog sa cuarto asin naheling an hukas na hawak ni Jose na may senal na atake sa puso.

Sabi sa report, tinabangan tulos kan mga empleado kan lodging house na madara an victima sa hospital.
Alagad pig declarar na mayo nan in buhay.

An mga miembros kan pulis digdi, nagsabi na mayo nin krimen na nangyari.

An incidente bunga sana kan biglang paglangkaw kan presyon kan dugo kan victgima, na causa kan saiyang kagadanan.

Si Jose may agom, mantang si Vivian, suhay sa agom. (By Jener Villarez)
 (BICOLSTANDARD.COM) BICOL NEWS 

Bicol news | Albay news | Camarines Norte news | Camarines Sur news | Catanduanes news | Daet news
Share:

SPECIAL OFFER

SPECIAL OFFER

Featured Post

Besinio is new Baao mayor

BAAO, Camarines Sur –The Department of Interior and Local Government Regional Office in Bicol has officially served the dismissal order...