Monday, August 11, 2014

3 gadan kan magsuagan an 2ng motorsiklo sa Naga City

NAGA CITY –Tulong personas an pigdeclarar na nagadan sa aksidente sa motorcyclo na nangyari kasubanggui sa Carolina digdi.

Basado sa record kan pulis, nagkabangaan an piglulunadan na motorsiklo ninda Santino Galang, Sr., asin Lionel Chavez, sa parte kan kilometro 10, sa barangay Carolina.

An aksidente nangyari poco mas o menos alas 6:30 nin banggui, kasubanggui.

Sinabi kan mga imbestigador na si Santino Galang papuli na sa saindang harong, kasuno an saiyang agom na si Amy asin an saiyang aking si Santino, Jr., 4 anyos an edad.

Si Lionel Chavez, sa ibong na lado, papuli na man sa saindang residencia sa Pacol.

An duwang motorsiklo nagkabangaan, na nagresulta sa seryong tama sa mga pasahero na lunad kan duwang vehiculo.

Dinara tulos sinda sa Bicol Medical Center.

An mag-amang sinda Santino Galang, junior asin senior, pigdeclarar na nagadan poco mas o menos alas 7:10 nin bangui, kasubanggui.

Si Chavez, declaradong gadan na, alas 7:45 kasubanggui.

An mga awtoridad nagsabi na an nagkabangaan na nakalunad sa motorsiklo pareho mayong lisensiya sa pagmaneho.

Mientrastanto, huli kan parateng aksidente sa mga vehiculo, nagpahayag na orog pa nindang hihigotan an pagsitar kan mga naggagamit nin mga motorsiklo.

Sabi ni P/Sr. Insp Rodrigo Rodriguez, an hefe sa Police Station 4 sa Carolina, mayo nin siisay pa man na papaawadon sa mga mapatunayan na nagbabalga kan reglamento sa traffic.

Antes pang mangyari an siring na aksidente, maisog na an kampanya kan mga awtoridad sa mga nagmamaneho na mayo nin lisensiya.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...