Tuesday, August 26, 2014

4 na lalaki, nadakopan nin shabu sa Nabua

NABUA, Camarines Sur—Apat na personas an maatubang nin caso sa pagbalga sa RA 9165 asin RA 10591 an sarabay na dinarakop kan mga awtoridad digdi.

Sabi sa police report ni PCI Ruben D. Padua, Jr., an acting na hefe kan police, an mga dinarakop iyo sinda Ricky Jornoles y Balanday, 38 anyos, taga Barangay San Esteban; Manuel Lauta y Santor, alyas “Maning”’ 45 anyos, taga Barangay Tres Reyes, Bato; Francisco Iri Abel Lopez y Singh, 24 anyos taga San Nicolas, Iriga City asin si Dennis Trajano y Dalumpines, 50 anyos, taga Paloyon Proper.

Sa imbestigasyon nagluluwas na an nasambit na mga tawo nadakop kan mga awtoridad huli sa pinakusog asin pina-isog na kampanya kan mga pulis sa mga banwaan. Ini parte kan programa kan programa manongod sa inaapod na “motorcycle-riding criminals” na naging dakulang kulog nin payo kan mga awtoridad.

An liderato kan PNP sa region iyo an nanginotan sa kampanya para linigon an mga banwaan sa operasyon kan mga kriminal na parate ginagamit an motorsiklo sa saindang kriminal na aktibidad.

Mientrastanto, an mga nag-apprehender na pulis nagsabi na kan parahon ninda, an apat na nakalunad sa motorsiklo, naging arogante pa sa saindang simbag sa mga awtoridad.
Ini si pinonan kan ginibong pagrekisa kan saindang mga gamit.

Dangan sana nadiscubre na may mga dara sinda nin pigtutubodan na methamphetamine hydrochloride na mas bisto sa apod na shabu.

Afuera sa shabu, nakua pa sa saindang poder an gunting asin mga lighter na ginagamit sa pag-usar kan ipinapangalad na droga.

An apat dinara tulos sa hepatura kan police sa banwaan, asin derecho nang sinangatan nin caso sa pagbalga kan ley. --BICOLSTANDARD.COM BICOL NEWS
Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...