Saturday, August 9, 2014

Bukid kan Mt. Isarog, igwa man nasusulo

CALABANGA, CAMARINES SUR—Padagos pang nagkakanayap an kalayo sa bukid na parte kan Barangay Harubay sa banwaan na ini, huli sa kalayo na luway-luway dinidilaan an mga alang na mga doot na nadistroso kan bagyong si Glenda.

Mt. Isarog
BICOLSTANDARD.COM File Photo
An barangay na ini namumugtak sa Mt. Isarog.

An oficina kan Bureau of Fire Protection (BFP) digdi an nagpahayag na difisil sa parte ninda na sigbohon an kalayo.

Ini sa rason na mayong pwedeng agihan an saindang mga fire trucks patukad sa bukid.

An informasyon sa kasulo ipinaabot sa BFP office asin sa Philippine National Police (PNP) kan mga residentes kan nasambit na barangay.

Sa pakipag-olay ki PO3 Jesus Guiza kan PNP, sinabi kaini na nagpoon magkurab an kalayo poco mas o menos alas 2:30 nin hapon ngonian.

An solamenteng lalaoman kan mga residente iyo an tabang hale sa BFP Regional Office ta igwa sinda nin mga eroplano na pwedeng magtabang sa ampat kan kalayo.

Mantang sinusurat an baretang ini, dae pa ma-carculo kan mga taga BFP kun pirang hectarya nin daga an linamlam na kan kalayo.

Iyo ini an primerong ipigreport na kasulo nin bukid sa Camarines Sur sa halawig na panahon.

Afuera kan kasulo sa bukid sa provincia kan Camarines Sur, may enot nang informasyon nin kasulo sa mga provincias kan Albay asin Sorsogon.

An inaapod na “bushfires” na arog kan nangyayri ngonian, parate nangyayari pagkalihis nin makusog na bagyo, sabi pa sa report.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...