Mayong trabaho, pagkamoot, causa kan pag hugot

OAS, ALBAY – Malipot nang bangkay an lawas ni Jomar Roquero, 32 anyos an edad, kan madiskubre kan mga nanunungdan.
Si Roquero, residente kan Purok 2, sa Barangay Mayao, an pirang semana nang mayo sa saiyang normal na pagkatawo, dara kan personal na problema sa saiyang familia.
An mga awtoridad na nag siyasat kan causa kan pagpatiwakal ni Roquero, iyo suboot an tulong bulan na iwal ninda kan saiyang agom na si Rosemarie.
Basado sa pakihumapot kan mga pulis na nag isi kan problema, nagluluwas na grabe an pag sentir kan ni Jomar ta linayasan siya kan saiyang esposa.
Si Rosemarie, maestra sa sarong eskwelahan digdi, nagkadiscusyon sagkod an saiyang agom, manongod sa mga saindang pag buhay.
Nag rarom an dae pagkaintindihan kan duwa, na naging mitsa tanganing mag decider si Rosemarie na bulagan an saiyang agom, asin maki estar sa ibang harong.
An pinag guikanan kan haros mayong patod na discusyon kan mag agom, sabi sa report iyo na dae nin trabaho si Jason asin nag aasa sana sa sweldo kan babae.
Mantang sinusurat an baretang ini, si Rosemarie hinahalat pa na magdalaw sa bangkaw kan gadan.
An Officer-in Charge kan PNP sa banwaan na ini, na si P/Sr Insp Dominique Borigas an nagtutubod na problema sa familia an guinikanan kan paghugot kan victima. (BICOLSTANDARD.COM)

Bicol news | Albay news | Camarines Norte news | Camarines Sur news | Catanduanes news | Daet news

Start typing and press Enter to search