Wednesday, August 20, 2014

Magtugang, tinaga sa Magallanes, Sorsogon

MAGALLANES, Sorsogon -- Dae pa maaraman kun ano an rason kun tano bigla na sanang tinaga ni Jerson Banzagales, 32, an magtugang na sinda Ruzel Belardo Non, 37, asin Elizel Non Banzagales, 40, kan sarong aldaw sa banwaan na ini.

Sa report kan imbestigasyon kan Magallanes Municipal Police Station, nagluwas na an suspechado nag-abot hale sa Manila pirang aldaw na an nakaagi, asin naki-estar sa harong kan magtugang.

Kan Lunes, bandang alas 3 nin hapon, bigla na sana ining nagkua nin sundang asin tinigbas si Ruzel sa panga, asin si Elizel sa loong asin duwang kamot.

Dinalagan an magtugang sa Magallanes Emergency Hospital bago dinara sa Sorsogon Provincial Hospital sa Sorsogon City.

Mientrastanto, an suspechado suboot nagtago sa ikaduwang eskalon kan estaran pakatapos kan insidente.

Duman siya nakua kan grupo kan mga pulis na pinangenotan ni PInsp. Sammy Regachuelo Realuyo, DCOP.

Nakua sa saiyang poder an duwang sundang na may sukol na 17 asin 18ng pulgada.

Nagluwas pa sa imbestigasyon na poon pa sana kan mag-abot an suspechado sa residencia kan magtugang, nagpaheling na ini nin senyales na mayo siya sa tamang pag-iisip.

Dinugang pa na pirang banggui ngani ini dai napaturog.--BICOLSTANDARD.COM 

Bicol news | Albay news | Camarines Norte news | Camarines Sur news | Catanduanes news | Daet news
Share:

SPECIAL OFFER

SPECIAL OFFER

Featured Post

Bogus tour operators in Bicol warned

DOT Bicol Regional Director Maria Ravanilla LEGASPI CITY 3/28/17 (Bicol Standard) — The Department of Tourism (DOT) Regional Office...